قارداش یاناجاقسان حالیما، یان دیریلیکده

جان سویله دئیم من ده سنه جان دیریلیکده

قبریم داشینی دویمه اولندن سونرا قارداش

گل دوی قاپیمی اول منه مهمان دیریلیکده

یولما باشیوی قبریمین اوستونده عزیزیم

اینسانه موحبت ائده ر اینسان دیریلیکده

یوز مین اولو بیر دردی علاج ایلیه بیلمز

مین دردی ائدر بیر دیری درمان دیریلیکده

بو سوز لریمیین مدرکی وار تاریخه باخسان

چوخ درده علاج ایله دی لوقمان دیریلیکده

 اولسم منه احسان وئره دونیا نئیه لازیم

قارداشلیغی ائت قارداشا احسان دیریلیکده

وار، دوولت اولندن سونرا دونیاده قالان دی

ثروت دن اوتورتوکمه یئره قان دیریلیکده

سعی ایله گولوم مورده پرست اولما جهاندا

اینسان اوره گینی ائتمه پریشان دیریلیکده

قارداش سنی تانری سوزومی گل یئره سالما

"آیریلماز"ی سال یادینا بیر آن دیریلیکده

 

بو شعری یوکله mp3